அஜித் பிறந்தநாளுக்கு வெளியாகும் அறிவிப்பு!?

நடிகர் அஜித்குமார் நடிப்பில் ஹச் வினோத் இயக்கத்தில் வெளிவந்த திரைப்படம் துணிவு. இப்படம் மிகப்பெரும் வசூல் வேட்டை நிகழ்த்தியது. இப்படத்தோடு, விஜய் நடிப்பில் உருவான வாரிசு திரைப்படமும் வெளிவந்தது.

விஜய், தனது அடுத்தபடமான லியோ படத்தின் படப்பிடிப்பு பாதியை முடித்துவிட்டனர். ஆனால், இன்னமும் அஜித் தனது அடுத்த படத்திற்கான இயக்குனரையே தேர்வு செய்யவில்லையே என அஜித் ரசிகர்கள் மிகுந்த மன உலைச்சலில் இருக்கின்றனர்.

இந்நிலையில், வரும் மே 1 ஆம் தேதி அஜித்தின் பிறந்தநாள் தினத்தினை முன்னிட்டு அஜித்தின் அடுத்த படத்திற்கான இயக்குனரை தயாரிப்பு நிறுவனமான லைகா அறிவிக்கும் என சமூக வலைதளங்கள் செய்தி உலா வருகிறது.

இதுகுறித்து எந்த அறிப்பு வரவில்லை என்றாலும், ரசிகர்களை போல நாமும் அதிகாரப்பூர்வ அறிவிப்பிற்கு காத்திருக்கிறோம்..