2வது வாரத்தில் அரங்குகளை நிரப்பும் “இறுகப்பற்று”

இயக்குனர் யுவராஜ் தயாளன் இயக்கத்தில் விக்ரம் பிரபு, ஷ்ரதா ஸ்ரீநாத், விதார்த், அபர்ணதி, ஸ்ரீ, சானியா உள்ளிட்ட நடிகர்களின் நடிப்பில் உருவாகி கடந்த வாரம் வெளியான திரைப்படம் தான் “இறுகப்பற்று”.

படம் வெளியாகி குடும்ப ரசிகர்களை வெகுவாக கவர்ந்ததால், படம் வெளியான அனைத்து திரையரங்குகளிலும் நாளுக்கு நாள் கூட்டம் அதிகரித்தது.

இந்நிலையில், இந்த வாரமும் பெரிதான படங்கள் எதுவும் திரையரங்கை எட்டிப் பார்க்காததால், மெயின் ஸ்கிரீன் முழுவதையும் இறுகப்பற்று ஆக்கிரமித்துள்ளது.

கடந்த வாரத்தை காட்டிலும் இந்த வாரம் அதிக ரசிகர்களை இறுகப்பற்று கவரும் என எதிர்பார்க்கப்படுகிறது.