மாமன்னன்” தனபால் என்றால், அங்கு எடப்பாடி தான் மாவட்டச் செயலாளர்!?
உதயநிதிஸ்டாலின் நடிப்பில் உருவாகி வெளிவந்திருக்கும் திரைப்படம் தான் “மாமன்னன்”.
இப்படத்தை பெரிதும் எதிர்பார்க்கும்படமாக உருவாக்கியிருக்கிறார் இயக்குனர் மாரி செல்வராஜ்.
இந்த படத்தில் மாமன்னன் கதாபாத்திரத்தில் வடிவேலு நடித்திருந்தார். இந்த மாமன்னன் கதாபாத்திரமானது முன்னாள் சபாநாயகர் தனபாலின் உண்மை வாழ்க்கைச் சம்பவம் என்று சமூக வலைதளங்களில் பலரும் கூறி வருகின்றனர்.
தற்போது இது பேசு பொருளாக மாறியுள்ளது. இந்நிலையில், மாமன்னன் படத்தில் மாமன்னனுக்கு வலி கொடுக்கும் கதாபாத்திரமாக, வில்லனாக மாவட்டச் செயலாளர் கதாபாத்திரத்தில் நடித்திருந்தார் பஹத் பாசில்.
இந்நிலையில், தனபால் சட்டமன்ற உறுப்பினராக இருக்கும் போது அந்த மாவட்டத்தின் அப்போதைய மாவட்டச் செயலாளராக இருந்தவர் எடப்பாடி பழனிச்சாமி தான் என்ற தகவல் இணையத்தில் காட்டுத் தீயாக பரவி வருகிறது.
