பிரபல பின்னணி பாடகி ரமணியம்மாள் மரணம்!
பிரபல தனியார் தொலைக்காட்சியில் மிகவும் பிரபலமாகி, பின்னாளில் சினிமாவில் பின்னணி பாடகியாக அறிமுகமானவர் பாடகி ரமணியம்மாள்.
கடந்த 2018-ஆம் ஆண்டு கரண் நடிப்பில் வெளியான ‘காத்தவராயன்’, விஜய் சேதுபதியின் ‘ஜூங்கா’, விஷாலின் ‘சண்டகோழி 2’, ‘நெஞ்சமுண்டு நேர்மையுண்டு ஓடு ராஜா’, சூர்யாவின் ‘காப்பான்’ உள்ளிட்ட படங்களில் பாட்டு பாடி ரசிகர்களை கவர்ந்தார்.
தனது சொந்த உழைப்பால் உயர்ந்து வந்த ரமணியம்மாள் பாட்டி இன்று திடீரென மரணமடைந்தார். அவரது திடீர் மறைவு ரசிகர்களிடையே பெரும் சோகத்தை ஏற்படுத்தியுள்ளது. அவரது மறைவுக்கு சின்னத்திரை பிரபலங்களும், திரைப்பிரபலங்களும் தங்களது இரங்கல் தெரிவித்து வருகின்றனர்.
வயது மூப்பின் காரணமாக தான் அவர் இறந்திருக்கிறார் என்கிறார்கள் அவரது குடும்பத்தினர்.
