உதவி இயக்குனர்களுக்கு வித்தியாசமான பரிசளித்த வெற்றிமாறன்!

இயக்குனர் வெற்றிமாறன் தற்போது சூரி, விஜய் சேதுபதியை வைத்து விடுதலை என்ற படத்தை இயக்கியிருக்கிறார்.

இரண்டு பாகங்களாக உருவாகி இருக்கும் இப்படத்தின் முதல் பாகம் நேற்று வெளியானது. நல்லதொரு வரவேற்பும் கிடைத்துள்ள நிலையில், இப்படத்தில் பணிபுரிந்த உதவி இயக்குனர்களுக்கு வித்தியாசமான பரிசு ஒன்றினை அளித்துள்ளார்.

படம் வெற்றி பெற்றால் உதவி இயக்குனர்களுக்கு கார் அல்லது பைக் கொடுப்பது இயக்குனர்களின் வழக்கம்.

ஆனால், வெற்றிமாறனோ படம் வெளிவருவதற்கு முன்பே படத்தில் பணிபுரிந்த சுமார் 25 உதவி இயக்குனர்களுக்கு செங்கல்பட்டு மாவட்டத்தை அடுத்து உள்ள உத்திரமேரூர் என்ற பகுதியில் ஒரு கிரவுண்ட் நிலம் வாங்கி கொடுத்திருக்கிறாராம்.

இந்த இடத்தில் விவசாயம் அல்லது வீடு கட்டிக் கொள்ளுங்கள் என்றும் யாரும் இதை விற்கக் கூடாது எனவும் அன்பு கட்டளை பிறப்பித்திருக்கிறார் இயக்குனர் வெற்றிமாறன்..